Şirvanda maskalılar evə basqın edib

Şirvan sakininin evinə maskalı şəxslər tərəfindən quldur basqını olub.

Quldurluq etmiş dəstə üzvlərindən biri tutulub.

Belə ki, dekabrın 9-da saat 02.00 radələrində Şirvan şəhərində Maya Mirzəyevanın yaşadığı evə qapını sındırmaq yolu ilə girmiş 3 maskalı şəxs onu və qızı Sevinci bıçaqla hədələyərək evdən qızıl əşyalar götürərək hadisə yerini tərk ediblər.

Şirvan şəhər polis şöbəsinin (ŞPŞ) əməkdaşlarının həyata keçirdikləri əməliyyat-axtarış tədbirləri nəticəsində hadisəni törədən şəxslərdən biri, Şirvan sakini 1985-ci il təvəllüdlü İsrail Rəhimdil oğlu Vəliyev tutulub. Cinayətin iştirakçısı olan digər şəxslərin tutulması üçün tədbirlər davam etdirilir.

Faktla bağlı Şirvan polis şöbəsində cinayət işi açılıb, araşdırma aparılır. Qeyd edək ki, bu, bir gündə Şirvan şəhərində baş verən ikinci quldurluq hadisəsidir. (APA)

Ölkə.Az