Hüseyn Məlik: "İsa Qəmbərin məni müşavir vəzifəsindən sərəncamla azad etməsi..."

"Müsavat" partiyasında qurultay sonrası söz-söhbətlər davam etmədəkdir. Belə ki, başqanının keçmiş müşaviri Hüseyn Məlik müşavirlik vəzifəsindən sərəncamla azad edilməsini Başqan seçkilərinə hesablanmış addım olaraq dəyərləndirib. 

Bu barədə öz "facebook" hesabında status yazan keçmiş müşavir bildirib ki, o, Qubad İbadoğlunun aktiv təbliğatçısı olduğundan bu qaydada müşavirlik vəzifəsindən kənarlaşdırılıb. Həmin statusu olduğu kimi təqdim edirik:

"Müsavat Partiyasının VIII qurultayına 35 gün qalmış Başqan İsa Qəmbərin məni müşavirlik vəzifəsindən sərəncamla azad etməsi Başqan seçkilərinə hesablanmış addım idi. Mən Qubad İbadoğlunun aktiv təbliğatçısı idim. Sərəncamdan Arif Hacılı və onun tərəfdarları Başqanın mövqeyinin Qubad bəy olmadığını təbliğatda istifadə etdilər. Bu həqiqətən belə idi".

Xatırladaq ki,  Hüseyn Məlik bu ilin avqust ayında keçirilən iclasda vəzifəsindən uzaqlaşdırılmışdı.

Ölkə.az