Ərdoğan onu çaya dəvət edən ailənin qonağı oldu
Türkiyə prezidenti Rəcəb Tayyip Ərdoğan Yahya Kemal Beyatlı Konqres Mərkəzində keçirilən 2023 Gənclik Şurasında iştirak edib.
"Ölkə.Az" xəbər verir ki, Mərkəzdən çıxanda Ərdoğan evinin balkonunda dayanan bir qadının onu qonaq çağırdığını görüb. Ərdoğan "Çayınız varmı"-deyə soruşaraq dəvəti qəbul edərək Könül və Yücel Taşdemir cütlüyünün qapısını döyüb. Türkiyə prezidentini qarşılayan ev sahibi sevincindən göz yaşlarını saxlaya bilməyib.
Ərdoğanı çay süfrəsində oğlu Bilal müşayət edib. Çay içdikdən sonra prezident sağollaşaraq evi tərk edib.
Hikmət Həsənov
Ölkə.Az
