Dünyanın ən faydalı pasportu hansı ölkə vətəndaşlarına məxsusdur?

"Pasaport index" adlı internet səhifəsi dünyanın ən faydalı pasport sahiblərinin siyahısını çıxarıb.

"Ölkə.Az" xəbər verir ki, cədvələ BMT-yə üzv 193 ölkə və 6 muxtar vilayətin pasportları daxil edilib. Reytinq cədvəli sərhəd keçidlərində verdiyi imkanlar, pasport sahibinin vizasız və ya hava limanında viza vurduraraq səfər etməsi kimi kriteriyalara görə hazırlanıb.

Hazırda 173 ölkəyə vizasız səfər etmək imkanı verən Sinqapur 159 xalla ilk sıraya yerləşib. Beləcə, dünyanın ən faydalı pasportu Sinqapur pasportudur.

Siyahını təqdim edirik:

1.Sinqapur-159 bal
2.Almaniya-158 bal
3.İsveç və Cənubi Koreya-157 bal
4.Danimarka,Fransa, Finlandiya, İtaliya, Yaponiya, Norveç İspaniya və Birləşmiş Krallıq-156 bal
5.Avstriya, Belçika, Lüksemburq, Portuqaliya, İsveçrə və Hollandiya-155 bal
6.Kanada, İrlandiya, Malayziya və ABŞ-154 bal, Avstriya, Yunanıstan və Yeni Zellandiya-153 bal
7.Çexiya, İslandiya və Malta-152 bal
8.Macarıstan-150 bal
9. Litva, Latva, Polşa, Slovakiya və Sloveniya-149 bal

Siyahının sonunda isə 22 balla Əfqanıstandır.

Hikmət Həsənov
Ölkə.Az