\"Alpine\" yeni idman kupesini təqdim etdi

"Ölkə.Az" xəbər verir ki, bu model "Alpine Europa Cup 2018" yarışı üçün nəzərdə tutulub.

Avtomobil fərqli asmalıq sistemi və nizamlanan amortizatorlarla təchiz edilib. Yeni modelin klirensi 40 mm azaldılıb. Kupe "Brembo" əyləc sistemi və təhlükəsizlik karkası ilə təchiz edilib.

Kapotun altına 1.8 litr həcmli, 4 silindrli mühərrik yerləşdirilib. Yeniliklər sayəsində mühərrik 270 at gücü hasil edir. Sürətlər qutusu 6 pilləlidir.

"Alpine A110 Cup" modelinin çəkisi cəmi 1050 kq-dır. Avtomobilin minimal qiyməti 100 min avro olacaq. İlk mövsüm ərzində 20 kupe istehsal ediləcək.

Hikmət Həsənov
Ölkə.Az