İstanbulda terror xofu

“Ölkə.Az” xəbər verir ki, bu dəfə əməliyyat Türkiyənin İstanbul şəhərində keçirilib. İstanbulun Bayrampaşa rayonu ərazisindəki ticarət mərkəzində partlayış törətmək istədikləri güman olunan İŞİD üzvləri yaxalanıb.

Bayrampaşada avtomobil parkında şübhəli maşın olması barədə məlumat daxil olub. İstanbul polisi şübhəli şəxsləri izləyib. Şübhəli şəxslər ağ rəngli avtomobili ticarət mərkəzinin açıq park yerində saxlayıblar. Avtomobildən çıxan 4 nəfər polis tərəfindən saxlanılıb. Əməliyyat zamanı şübhəlilərdən biri yüngül xəsarət alıb. Vətəndaşlar ərazidən uzaqlaşdırılıb. Əraziyə bomba zərərsizləşdirən mütəxəssislər cəlb olunub.

Saxlanılan şəxslərin sonradan İŞİD terror təşkilatının üzvləri olduğu məlum olub. Faktla bağlı araşdırma aparılır.

Ziya Səccad
Ölkə.Az