İsveç Fələstini tanıyacaq
Fələstinin suverenliyini tanıyacaq ilk Avropa dövləti məlum olub
Ölkə.Az Rosbalt agentliyinə istinadən xəbər verir ki, İsveçin baş naziri Stefan Leven Fələstinin suverenliyinin tanınacağı barədə bəyanat verib. O qeyd edib ki, Fələstini suveren dövlət olaraq tanıyan ilk Avropa ölkəsi məhz İsveç olacaq.
"İsrail və Fələstin arasında yaşanan münaqişə yalnız hər iki dövlətin tanındığı halda həll oluna bilər. Qərar beynəlxalq hüquq normaları çərçivəsində qəbul olunmalıdır. Məhz buna görə İsveç Fələstini dövlət olaraq tanıyır", - deyə Leven bildirib.
Xatırladaq ki, Fələstinin lideri Mahmud Abbas BMT Baş assambleyasında çıxışı zamanı bildirib ki, İsrailin 1967-ci il sərhədlərinə qayıtmasına sob müddətin verilməsi üçün BMT Təhlükəsizlik Şurasına müraciət edəcək.
Rəşid Mustafazadə
Ölkə.Az
