Çində 14 yaşlı model müəmmalı şəkildə öldü
Çində 14 yaşlı rus model ölüb.
Ölkə.Az Lent.az-a istinadən xəbər verir ki, Pekinə moda nümayişinə yollanan Vlada Zyuba podiuma çıxdıqdan bir neçə saat sonra vəfat edib. 14 yaşlı qız əvvəlcə özünü pis hiss etdiyini deyib və huşunu itirib. O, xəstəxanaya çatdırılsa da, orada vəfat edib.
Yeniyetmə modelin müəmmalı ölümü ilə bağlı araşdırmalara başlanılıb. Onun zəhərlənmə və ya sətəlcəm nəticəsində ölməsi versiyaları da səsləndirilir.
Bəzi mənbələr isə Vlada Zyubanın ağır iş qrafikinə və səfərlərə fiziki cəhətdən tab gətirə bilməməsi səbəbindən vəfat edə biləcəyini deyib.
