Qətərin Əmiri: "Bizdən rejim dəyişikliyi istəyirlər"
"Ölkə.Az" xəbər verir ki, Şeyx Qətərə qarşı tətbiq edilən iqtisadi və siyasi qadağaları şərh edib. Əmir "Rejim dəyişikliyi istəyirlər. Bu açıq-aydındır"-deyib.
"CBS" kanalının "60 dəqiqə" verilişində qonaq olan Əl Sani deyib: "Rejim dəyişikliyi istəyirlər. Bu açıq-aydındır. Tarix bizə bunu daha əvvəldən, 1996-cı ildə atam Əmir olandan sonra da etmək istədiklərini göstərir. Son bir neçə həftədə bunu açıq-aydın bildirdilər".
Rəsmi Dohanın böhranın başa çatmasını istədiyini vurğulayan Əmir bununla belə, heç bir şeyin qürur və müstəqillikdən üstün olmadığını bildirib.
"Əl Cəzirə" kanalını bağlamayacaqlarını qeyd edən Şeyx deyib: "Region sakinləri üçün ifadə sərbəstliyi istəyirik. Amma onlar bundan məmnun deyillər. Onlar bunu təhdid kimi qəbul edirlər. Müstəqilliyimiz qırmızı xəttimizdir. Buna kiminsə müdaxiləsinə icazə vermərik".
Hikmət Həsənov
Ölkə.Az