Xəzəryanı ölkələrin Sammiti 2018-ci ildə keçiriləcək
Rusiyanın xarici işlər nazirinin müavini Qriqoriy Karasin "Rossiya 24" kanalına müsahibə verib.
"Ölkə.Az" xəbər verir ki, diplomat müsahibəsində bildirib ki, Xəzəryanı ölkələrin sammiti 2018-ci ilin əvvəlində Astanada keçirilə bilər. Bu səbəbdən Azərbaycan, Rusiya, İran, Qazaxıstan və Türkmənistanın XİN rəhbərləri dekabr ayında Moskvaya toplaşaraq sammitə hazırlığı müzakirə edə bilərlər.
"Bu istiqamətdə iş gedir. Hazırda biz bu sənədin müəyyən detallarını başa çatdırmağa çalışırıq. Dekabr ayında xarici işlər nazirlərini Moskvaya dəvət edə bilərik. Yaza yaxın isə həlledici sammiti təşkil edə bilərik. Bu dəfə sammit Qazaxıstanda, çox güman ki, Astanada keçiriləcək"-deyə Karasin qeyd edib.
Hikmət Həsənov
Ölkə.Az
