ABŞ 2015-ci il üçün hərbi büdcəsini açıqladı

ABŞ müdafiəyə 584 milyard dollar xərcləyəcək.

Ölkə.Az Almaniyanın Deutsche Welle media şirkətinə istinadən xəbər verir ki, ABŞ Konqressi 2015-ci ildə müdafiə xərclərinə dair qanun layihəsini qəbul edib. ABŞ-ın müdafiə xərclərinin ümumi həcminin 584 milyard dollar təşkil edəcəyi qeyd olunub.

Büdcədə İŞİD-ə qarşı İraq və Suriyada aparılacaq gözlənilməz xərclər əksini tapıb. Ayrıca olaraq, 3,4 milyard dollar "Sarsılmaz əzmkarlıq" əməliyyatı çərçivəsində amerikalı əsgərlərin İŞİD-lə mübarizəsinə yönələcək. 1,6 milyard isə eyni terror təşkilatı ilə mübarizə aparmaq üçün İraq kürdlərinin silahlandırılmasına sərf olunacaq. Bundan əlavə, qəbul olunmuş sənəd nisbətən dinc suriyalı üsyançıların hərbi dəstəyini əks etdirir.

Konqressin qərarına görə, Obamanın fikinə zidd olaraq Kubada yerləşən Quantanomo həbsxanasının mərhələli şəkildə bağlanmasına məhdudiyyət qoyulub. Eyni zamanda, Konqress həbsxanada olan məhbusların ABŞ-a köçürülməsinə də qadağa qoyub.

Rəşid Mustafazadə

Ölkə.Az