Səudiyyə Ərəbistanından Yəmənə ağır zərbə
Yəmənə edilən bütün humanitar yardımlar dayandırılacaq.
“Ölkə.Az” xəbər verir ki, bu barədə BMT-nin rəsmi nümayəndəsi Farxan Hak jurnalistlərə açıqlamasında bildirib. Onun sözlərinə görə, buna səbəb Səudiyyə Ərəbistanı koalisiyasının Yəmənə təyyarələrin uçuşuna qadağa qoymasıdır.
Nəticədə ölkəyə hava və dənizdən çıxış bağlanıb. Bununla da, Yəmənə edilən humanitar yardımlar da müvəqqəti olaraq dayanırılıb.
Qeyd edək ki, Yəməndən Səudiyyə Ərəbistanı ərazisinə ballistik raket atılıb. Yəməndən Kral Xalid beynəlxalq hava limanına atılan raketlər savaş elanı kimi dəyərləndirilib. Bununla da, ərəb koalisiyası Yəmənlə hava və su əlaqələrini kəsməyə qərar verib.
Ziya Səccad
Ölkə.Az
