ABŞ prezidenti İrana qarşı sanksiyaların müddətini artırdı
ABŞ prezidenti Donald Tramp İrana qarşı 1979-cu ildən tətbiq edilən sanksiyaların müddətini təktərəfli qaydada uzatdı.
"Ölkə.Az" xəbər verir ki, bu barədə məlumat Ağ Evin rəsmi internet səhifəsində yayımlanıb.
Sənəddə göstərilib ki, ölkələr arasında münasibət hələ normallaşmayıb və sanksiyaların müddəti uzadılır. Bu səbəbdən 1979-cu ilin 14 noyabrında elan edilmiş milli fövqəladə vəziyyət və fövqəladə vəziyyətin həlli üçün eyni gündə qəbul edilmiş tədbirlər 2017-ci ilin 14 noyabrından sonra da davam edəcək.
2 noyabr tarixində İranın ali dini lideri ayətulla Əli Xamenei ABŞ-ı İranın əsas düşməni elan etmişdi.
Oktyabr ayında isə Tramp Tehranın bir sıra terror qruplaşmaları ilə əməkdaşlıq etdiyini bildirmişdi.
Hikmət Həsənov
Ölkə.Az
