Taylandı su basdı
Taylandda bir neçə gündür ki, davam edən leysan yağışları daşqınlara səbəb olub.
"Ölkə.Az" xəbər verir ki, təbii fəlakət nəticəsində həlak olanların sayı 20 nəfərə çatıb.
Taylandın daxili işlər nazirliyinin rəsmisi Çayapol Titisak əmin edib ki, 2011-ci ildə baş verən fəlakət təkrarlanmayacaq. Çünki artıq vəziyyət normallaşmağa başlayıb.
Çayapol deyib: "Biz yerli əyalətlərlə işləyirik. Müvəqqəti sığınacaqlar inşa edir, ziyan çəkənlərə ən qısa müddətdə yardım yetişdirməyə çalışırıq".
Sel suları ölkənin 77 əyalətinin 22-sini cənginə alıb. Evlər və tarlalar su altında qalıb. 120 min insan sel sularından əziyyət çəkir. 900 min taylandlı isə dəyən ziyana görə kompensasiya almaq üçün müraciət göndərib.
Hikmət Həsənov
Ölkə.Az
