Çin Cənubi Koreya ilə KXDR arasındakı razılaşmanın olacağına ümid edir

“Ölkə.Az” xəbər verir ki, O, bu barədə Vyetnamda keçirilən Asiya-Sakit Okeanı İqtisadi Əməkdaşlığının (APEC) yubiley - 25-ci sammitində tədbirə hazırlıq prosesi zamanı jurnalistlərə açıqlamasında bildirib. Onun sözlərinə görə, bu tədbir iki qonşu ölkə rəhbərlərinin görüşüb, problmelərə aydınlıq gətirmələri üçün yaxşı fürsət ola bilər.

“Çin yarımadada vəziyyətin yaxşılaşmasını ürəkdən ümid edir. Çin Cənubi Koreya və KXCP ilə sülh əməkdaşlığını bərpa etməyə təşviq edə bilər”, - deyə Si Tsinpin bildirib.

Qeyd edək ki, dünya ölkələrinin təzyiqlərinə baxmayaraq, Şimali Koreya nüvə sınaqlarını davam etdirir. Cənubi Koreya isə ABŞ-ın ən yaxın müttəfiqi kimi bundan çox narahatdır. Bu səbəbdən də, ABŞ-ın müdafiə naziri Ceyms Mettis və Cənubi Koreyanın müdafiə naziri görüşüb. Görüş zamanı iki ölkə nümayəndəsi KXDR-in nüvə sınaqlarını müzakirə ediblər. Danışıqlar zamanı Şimali Kodeyanın keçirtdiyi 6 nüvə sınağı pislənilib.

Hər iki nazir çıxışında bildirib ki, Şimali Koreya lideri dünya ölkələri üçün təhlükəli təxribatlar hazırlayıb. Nazirlər vurğulayıblar ki, nüvə silahlarının və balistik raketlərin sınaqdan keçirilməsi KXDR liderinin hansı fikirdə olduğuna sübutdur.
 
Danışıqların sonunda nazirlər Şimali Koreyaya qarşı birlikdə mübarizə aparmaq üçün əməkdaşlığın daha da sıx aparılacağı barədə razılığa gəliblər.

Ziya Səccad
Ölkə.Az