The New York Post: "Səudiyyə Ərəbistanı Rusiyaya neft müharibəsi elan edib"

Əsas motiv İranın iradəsini sındırmaqdır.

Ölkə.Az The New York Post qəzetinə istinadən xəbər verir ki, hərbi kəşfiyyatın keçmiş zabiti və analitik Ralf Piters neftin düşməsi ilə bağlı məqalə yazıb.

Keçmiş zabit hesab edir ki, neftin görünməmiş həddə düşməsi gündəlik olaraq uzaq məsafəyə işə gedənlər və əksər iri şirkətlər üçün əla, düşmənlər üçünsə bəd xəbərdir.

Pitersin fikrincə, Rusiya İran və İraqla yanaşı neft bazarında gedən dinamik proseslərin əsas qurbanlarından birinə çevriləcək. Analitik qeyd edir ki, neftin qiymətlərinin düşməsi Venesuela, Braziliya və Nigeriyaya toxunsa da, Çin, Amerika, Hindistan, Meksika və Kanadanın xeyrinə olacaq.

Analitik neftin düşməsini Səudiyyə Ərəbistanının siyasəti ilə əlaqələndirərək yazır ki, bu ölkə həqiqətən də Şimali Amerikada enerji renessansının reaksiyasıdır və digər əsas motiv İranın iradəsini sındırmaqdır.

"Səudiyyəlilər rusları da bir o qədər sevmirlər, çünki onlar Suriyada Rusiyanın dəstək verdiyi Bəşər Əsədin hakimiyyətdən getməsində maraqlıdırlar. Ruslar qərb ölkələri ilə müqayisədə daha ağır şərtlərlə barışmağa hazırdırlar. Bundan əlavə, Putinin büdcə xərclərinə, xüsusi olaraq ordunun yenilənməsinə dair bəzi qərarları ona ekstravaqant şəkildə təqdim olunur. Putinin gördüyü hərbi dirçəliş əslində Rusiyanın cibinə uyğun deyil. Buna baxmayaraq, Putinin reytinqi hələlik yüksəkdir", - deyə müəllif qeyd edib.

Pitersin proqnozuna görə, bir neçə il ərzində neft məhsullarının qiyməti aşağı olacaq.

Rəşid Mustafazadə

Ölkə.Az