Sumqayıtda avtobus atəşə tutuldu?
Bir sıra KİV-lər məlumat yayıblar ki, guya naməlum şəxs Sumqayıtda avtobusu atəşə tutub. Hadisə 17-ci mikrorayonun ərazisində baş verib.
Ölkə.Az xəbər verir ki, yerli KİV-ə Baş Prokurorluğun mətbuat xidmətinin rəhbəri Eldar Sultanovun verdiyi məlumata görə, bu xəbər həqiqətə uyğun deyil.
E.Sultanovun sözlərinə əsasən, axşam saatlarında naməlum şəxslər iki sərnişin avtobusunu daşa basıblar. Hadisə nəticəsində xəsarət alan olmayıb, avtobuslara maddi zərər dəyib – onların şüşələri sındırılıb.
Bu xəbəri Daxili İşlər Nazirliyində də təsdiqləyiblər.
Hazırda hüquq-mühafizə orqanları hadisəni törədən şəxslərin axtarışını həyata keçirir.
