Elmar Məmmədyarov Nalbandyanın görüş təklifini qəbul etdi
"Ölkə.Az" xəbər verir ki, XİN-nin mətbuat xidmətinin rəhbəri Hikmət Hacıyev APA-ya açıqlamasında bildirib ki, danışıqlar konstruktiv və substantiv xarakter daşıyıb və Ermənistan-Azərbaycan Dağlıq Qarabağ münaqişəsinin həlli üzrə danışıqlar masasında olan bütün təkliflər üzrə konkret müzakirələr aparılıb: "Azərbaycan tərəfi aparılmış müzakirələrdən razıdır.
H. Hacıyevin sözlərinə görə, görüş əsnasında təklif olunub ki, 7-8 dekabr tarixlərində Vyanada keçiriləcək ATƏT-in xarici işlər nazirlərinin toplantısı çərçivəsində ATƏT-in Minsk Qrupunun həmsədrlərinin iştirakı ilə Azərbaycan və Ermənistan xarici işlər nazirlərinin görüşü keçirilsin. Azərbaycan tərəfi bu təklifə öz razılığını bildirib: "Ermənistan-Azərbaycan, Dağlıq Qarabağ münaqişəsinin tezliklə həlli və regionda davamlı sülhün və sabitliyin təmin olunması üçün Azərbaycan Respublikası substantiv, məntiqi və konkret danışıqları daim dəstəkləyir".
***
Moskva şəhərində keçirilən görüş başlayıb.
"Ölkə.Az" xəbər verir ki, XİN rəhbəri Elmar Məmmədyarov ATƏT-in Minsk qrupunun həmsədrləri ilə görüşür.
Məlumatı Azərbaycan xarici işlər nazirliyinin mətbuat katibi Hikmət Hacıyev Tvitter səhifəsində paylaşıb.
Tərəflər görüş çərçivəsində Dağlıq Qarabağ münaqişəsinin həllini müzakirə edəcəklər.
Ölkə.Az