Köməkçiləri Donald Trampı aldadırlar
“Ölkə.Az” xəbər verir ki, bu barədə “Politico” qəzeti yazıb. Qəzetin yaydığı məlumata görə, Trampın köməkçiləri onun barəsində statistikanı bilə-bilə dəyişirlər.
“Ağ Evin nümayəndələri D.Tramp haqqında keçirilən sorğuların nəticələrini dəyişirlər. Nəticələri Trampın xeyrinə düzəldirlər. Statistikanı elə edirlər ki, Trampın kefini pozmasınlar”, - deyə məlumatda bildirilib.
Qeyd edək ki, ABŞ-ın 45-ci prezidenti Donald Tramp yalnız namizədliyini verdiyi ərəfədə reytinqi bir qədər yüksək olub. Lakin seçkilərə bir neçə gün qalmış onun hörməti sürətlə aşağı düşməyə başlayıb. “Gallup”ın martın 28-də apardığı sorğunun nəticəsinə əsasən respondentlərin 35%-i ABŞ prezidentinin fəaliyyətini müsbət qiymətləndirib.
Müqayisə üçün deyək ki, ABŞ-ın 44-cü prezidenti olan Barak Obamanın seçildiyi dövrdə eyni sorğu aparılmışdı. Həmin dövrdə Obama 78 faiz səs qazanmışdı. Eyni sorğuda Kiçik Corc Buş 62%, Bill Klinton isə 66 % səs toplamışdı.
Ziya Səccad
Ölkə.Az