Tural Abbaslı: "Yaşlılar biz gənclərə şans vermədilər"

- Qurultayda həm mənim başqan seçilməməyim həm də gənclərimizin içi mən qarışıq məclisə düşməməyimiz ictimaiyyətdə belə bir rəy yaradıb. Partiya daxilində də belə rəy formalaşıb ki, "gənclər süni şəkildə partiyadan, proseslərdən uzaqlaşdırılır,  təşkilatdakı gənclər yoxdur, təşkilatdaki gənclərin təmsilçiliyi yoxdur, təşkilatın, partiyanın gələcəyi yoxdur". Məncə müsavatçılar və Müsavat partiyasında söz sahibi olan insanlar bunu başa düşüblər. Bu gənclərin məclisə düşməməyinin səbəbi kimi başqanlıq yarışının eyforiyasını görürəm. Çünki orada gənclərin nümayəndəsi kimi mənim başqanlığa namizədliyim var idi. Mənim ətrafımda olan bütün gənclər hər iki namizədin tərəfdarları tərəfindən rəqib kimi göründülər. Buna görə onlara da səs verilmədi. Oktyabrın 11-də məclisin toplantısı olacaq. Biz gənclər hələ boş qalan yerə namizədliyimizi verib-verməyəcəyimizi müəyyənləşdirməmişik. Mən və ətrafımızda olan gənclər hələ bilmirik ki, namizədliyimizi verməyə dəyər ya yox. İstənilən halda biz müsavatçıyıq. Hansısa postda təmsil olunsaq da, olunmasaq da, Müsavat üçün çalışacağıq.

- Qurultaya hazırlıq çox uzun müddətdir ki, gedirdi. 2010-cu ildən bu yana qurultaya hazırlıq gedir. Qurultaya nümayəndələr rayon təşkilatlarında seçildi. Müsavat partiyasının ən böyük rayon təşkilatından 21-22 nəfər qurultay nümayəndəsi seçilirdi və həmin rayon təşkilatında gənclərin təmsilçiliyi də çətinə düşür. Uzun illər insanlar meydandan gəliblər, yoldaşlıq, dostluq məktəbi keçiblər və bir-birlərini uzun illərdir ki, tanıyırlar. Təbii ki, onlar bir-birilərinə dəstək olacaqlar. Yeni gəncliyin təmsilçiliyinə bəziləri qısqanclıla yanaşır. Bunun nəticəsində də 600 nəfərə yaxın qurultay nümayəndəsindən cəmi 20 nəfəri gənc idi. Bu rəqəm 60%-in 40%-ə nisbətində olsa idi məncə partiyaya, onun işinə çox müsbət təsir göstərərdi. Biz nümayəndələrinin 95%-ni yaşlı nəslin təmsil etdiyi qurultayda gücümüzü yoxlamağa çalışdıq. Güman edək ki, bunun həm bizə, həm partiyaya, həm də Azərbaycana faydaları olacaq. Şanslı nəsil bizə heç bir şans vermədi. Qınamıram onları, yəqin yaşlananda biz də elə olacağıq. Məhşur bir söz var, Üzeyir Hacıbəyov 50 yaşına çatanda deyib: "Məşədi İbada haqsızlıq etmişəm. 50 yaş o qədər də qoca deyilmiş".

- Razıyam, Arif Hacılının tərəfdarları ilə Qubad İbadoğlu və tərəfdrları arasında gərginlik var. Həm mətbuatda, həm sosial şəbəkələrdə bu gərginlik öz əksini tapır və təbii ki, partiya daxilində də hiss olunur. Bu hələ seçkidən çıxmamaqdır. Bu gərginlik seçkinin nəticəsini mənəvi olaraq qəbul etəməməkdir. Düşünmürəm ki, kiməsə görə Müsavat partiyası parçalansın. Çünki Müsavat partiyası daha çox idiealoji bir partiyadır. Mən güman edirəm ki, yaxın bir ay, ay yarım ərzində emosiyalar sakitləşəcək və hər şey öz qaydasına düşəcək və Müsavat partiyası öz bütövlüyünü qoruyacaq. Bu prossesin ağrısız yekunlaşması da liderlərin üzərinə düşən öhdəlikdir. Biz bu intriqalarda iştirak etmirik. Məncə hər iki qurupun rəhbərliyi bu məsuliyyəti başa düşməlidir və dərk etməlidir ki, burada heç kimin şəxsi ambisiyasından söhbət getmir. Burada söhbət Müsavatdan gedir və hər bir şəxs yeri gələndə fədakarlıq etməyi bacarmalıdır.

- Təbii ki, nə qədər desəkdə ki, siyasətçi soyuqqanlı olmalıdır, emosianal olmamalıdır, ancaq insanıq və nəzərə alsaq ki, şərq insanıyıq, şərq insanları daha emosianal olur, onda bu hadisənin bizə necə təsir etdiyini anlamaq o qədər də çətin olmaz. Müxalifət o qədər uzun müdətdir müxalifətdədir ki, artıq onun hansısa siyasi hədəfləri qalmayıb. Ancaq mənəvi tanınma, mənəvi qəbul olunmadan söhbət gedir. Necə ki, məhşur aktiyorlar alqışlara möhtacdırlar, ancaq o alqışlar nə pul verir, nə də dolanışıq. Biz gənclərin bəlkə də ürəyində sınıqlıq oldu. Heç bir siyasi yarış, rəqabət, mənəvi dəyərləri üstələməməlidir. Biz onu da başa düşürük ki, hər kəsin səs vermə hüququ var. Biz o insanları ittiham edə bilmərik ki, "niyə bizə səs verməmisən?". Seçim onların idi, amma insan kimi bəzi incikliklər, qırıqlıqlar olur. Sadəcə olaraq hisslərimizi içimizdə boğuruq və boğmağa borcluyuq.

- Bizim partiyanın nizamnaməsi var, özünə görə mükəmməl bir nizamnamədir. Seçkinin nəticələri ilə razılaşmayanlar etiraz edə bilər. Hətta məclisin bəlli bir sayının təklifi ilə Divan tərəfindən fövqəladə qurultay da çağrıla bilər. Qurultay nümayəndələrinin bəlli bir sayının imzası ilə qurultay yenidən çağrıla bilər. Iki namizəd arasında razılıq da əldə oluna bilər. Partiya daxili fraksiyalaşmada ola bilər. Pariyada daxili müxalifət qrupu da yarana bilər. Bunların hamısı ehtimaldır və hər komanda özünə uyğun yolu seçəcək. Biz gənclər qrupu olaraq öz yolumuzu seçmişik ki, partiyanın apardığı mübarizədə axıra kimi davam edəcəyik. Razılaşmadığımız nüansları da partiya rəhbərliyinə bildirəcəyik. Qubad bəy və onun tərəfdarlarının hansı addımlar atacaqları oktyabrın 16-da baş tutacaq toplantıda məlum olacaq. Mən öz adımdan deyirəm, onların Müsavat partiyasına ziyan gətirməyəcək bütün qərarlarını hörmətlə qarşılayacağıq, necə ki, Arif Hacılının başqan seçilməsini hörmətlə qarşıladıq!".