Rusiya Suriyanı belə bombaladı

Noyabrın 23-də Rusiya hərbi qüvvələri Suriyanı bombalayıb.

“Ölkə.Az” xəbər verir ki, Rusiyanın “TU-22М3” bombardımançı təyyarələri Suriyanın Deyr-əz-Zor yaşayış məntəqəsini bombalayıb. Rusiya Xarici İşlər Nazirliyi bombardıman zamanı çəkilən video görüntüləri yayıb.

Xatırladaq ki, dünən Rusiya hərbi qüvvələri Suriyanı bombalayıb. Rusiyanın “TU-22М3” bombardımançı təyyarələri Suriyanın Deyr-əz-Zor yaşayış məntəqəsini bombalayıb. Bu barədə Rusiya Xarici İşlər Nazirliyindən məlumat verilib. Verilən məlumata görə, hərbi əməliyyatlar terrorçuların gizlənə biləcəyi ərazilərdə aparılıb.

“İŞİD terrorçularının gizləndiyi ərazilər müəyyən edilib. Həmin nöqtələr bombalanıb. “TU-22М3” bombardmançı təyyarələrini “SU-30SM” qırıcıları da müşayət ediblər. Bombardımandan sonra terrorçuların gizlənə biləcək əraziləri qırıcılar tərəfindən atəşə məruz qalıb. Hədəf nöqtələri kimi terrorçuların dayaq məntəqələri, canlı qüvvə və zirehli texnikasının toplandığı yerlər götürülüb. Bununla da, Deyr-əz-Zor vilayətində terrorçuların gizlənə biləcək əraziləri tamam məhv edilib”, - deyə məlumatda bildirilib.

Qeyd edək ki, Rusiya Suriyada bu günə qədər 360 hərbi əməliyyat həyata keçirib. Nəticədə minlərlə terrorçu öldürülüb, 650 obyekt dağıdılıb. Bu da Suriyada terrorçuların 90 faizi deməkdir.

Ziya Səccad
Ölkə.Az