Pakistanda vətəndaşlarla polis arasında qanlı toqquşma
Pakistanın paytaxtı İslamabadda hüquq-mühafizə orqanlarının oturaq aksiyanı dağıtmaq cəhdindən sonra polislə aksiya iştirakçıları arasında qanlı toqquşma baş verib.
“Ölkə.Az” xəbər verir ki, bu barədə “Geo TV” telekanalı məlumat yayıb. Verilən məlumata görə, toqquşmalar zamanı hər iki tərəfdən təxminən 250-dən çox insan yaralanıb, 4 nəfər ölüb.
Qeyd edək ki, “Teehrik-e-Labaik” hərəkatının fəalları artıq 3-cü həftədir Feyzabadda yolayrıcında şəhərin əsas küçələrini bağlayaraq oturaq aksiya keçirirlər. Aksiyaya səbəb hakimiyyət orqanlarının seçki haqqında qanuna ziddiyyətli düzəliş etməsi olub.
Ziya Səccad
Ölkə.Az
