Ermənistanda cinayətkar polisləri qorxuya saldı

“Ölkə.Az” xəbər verir ki, bu barədə “shamshyan.com” saytı məlumat verib. Verilən məlumata görə, paytaxtda törədilmiş dəhşətli cinayətdə günahlandırılan 20 yaşlı Vardan O. polisdə dindirilərkən əsəblərinə hakim ola bilməyib. O, əvvəlcə dindirilmə kabinetinin pəncərəsini qırıb.

Daha sonra sağ əlini şüşə qırıntısı ilə kəsib. Hadisə onu dindirən müstəntiq və hüquqlarını qoruyan vəkilin yanında baş verib.

Qatı cinayətdə günahlandırılan Vardan O. dindirilmə kabinetinə çağırılan polislərin köməyilə sakitləşdirilib. Dindirilmə prosesi isə yarımçıq qalıb. Onun sonrakı taleyi barədə məlumat yazılmayıb.

Qeyd edək ki, Vardan O. bu ilin fevral ayının 26-da bir gənci xüsusi amansızlıqla öldürməkdə günahlandırılır. Hadisəni törədən Vardan O. uzun müddət gizlənib. Sonradan polislər onu yaxalaya biliblər. Onun haqqında Ermənistan Cinayət Məcəlləsinin 104-cü maddəsilə cinayət işi başlanılıb. 

Ziya Səccad
Ölkə.Az