Kanada parlamenti qərar verdi
Kanada parlamentinin aşağı palatası marixuananı leqallaşdırılan qanun layihəsini təsdiqləyib.
"Ölkə.Az" xəbər verir ki, 200 millət vəkili qanun layihəsinin lehinə səs verib. 82 nəfər isə etiraz edib. Əgər senat da layihəni dəstəkləsə, 2018-ci ilin iyul ayında qanun qüvvəyə minəcək.
Qanun layihəsinə əsasən, yetkinlik yaşına çatanlara marixuana satışına icazə veriləcək. Bundan başqa hər kanadalı 4 marixuana bitkisi becərə biləcək. Vətəndaşlar xüsusi dükanlarda bu maddəni ala biləcəklər və özləri ilə 30 qrama qədər daşıya biləcəklər.
Yetkinlik yaşına çatmayanlara marixuana satışı isə 14 il müddətinə həbslə cəzalana bilər. Bundan başqa marixuana çəkdikdən 2 saat sonra sükan arxasına keçmək mümkün olacaq.
Hikmət Həsənov
Ölkə.Az
