Ekspert: "Rusiya geri çəkilməyə məcbur olacaq"

Avropanı qorxuda saxlayan Rusiyanın ən təhlükəli "İskəndər-M" raketləri Kalininqraddan geri aparılıb.

Xatırladırıq ki, "İskəndər-M" raketləri NATO-nun Şərqi Avropada raket əleyhinə müdafiə sistemləri quraşdırmaq istəyinə cavab olaraq Kalininqrada yerləşdirilmişdi.

Rusiyanın atdığı bu addımı hərbi ekspert Üzeyir Cəfərov Ölkə.az-a şərh edib.

Üzeyir Cəfərov: "Rusiya yaxın günlərdə bir sıra məsələlərə yenidən baxmalı olacaq. Rusiyanın özünün yaratdığı problemlər ona çox baha başa gəlir. Qüvvədə olan sanksiyalar, baş verən hadislər Rusiya üçün yaxşı heçnə vəd etmir.

"İskəndər-M" raketlərinin geri çəkilməsi haqqında, hərbi təlimlərlə bağlı qərarlar onu deməyə əsas verir ki, Rusiya yaxın zamanlarda təcili addımlar atmalı olacaq.

Dünən Rusiyanın baş naziri Medvedyevin yanınında təcili toplantı keçirilib. Son zaman baş vernlər onu deməyə əsas verir ki, Rusiya məcbur olacaq geri çəkilməyə.

Rusiya hökümətində məlumatlar var ki, yaxın zamanlarda Rusiyaya qarşı daha sərt sanksiyalar tətbiq ediləcək. Hərbi sahədə Rusiyanın ən çox güvəndiyi nüvə başlıqlı silahlar və "İskəndər-M" raketləridir. Ancaq düşünmürəm ki, Rusiya ağılsızlıq edib o silahlardan istifadə etsin. Rusiya üzləşdiyi çətinliyi aradan qaldırmaq üçün istənilən və gözlənilməyən addımlar ata bilər".

- Sizcə müharibə təhlükəsi var?

- Müharibə təhlükəsi həmişə var. Ancaq düşünmürəm ki, vəziyyət o səviyyəyə gəlib çıxsın. Müharibə indiki vəziyyətdə Rusiyaya heç cür sərf etməz.

Səxavət Məmməd
Ölkə.az