Politoloq: "Pakistanın nüvə arsenalı yüksək səviyyədə qorunur"

Pakistanın Pişavar şəhərində yerləşən, ölkənin Müdafiə nazirliyinin nəzdində fəaliyyət gösətərən hərbi məktəbə "Taliban" terror qruplaşması tərəfindən təşkil edilən hücum nüvə ölkəsi olan Pakistanın hansı təhlükələrlə qarşı-qarşıya gələ biləcəyi məsələsinə bir daha diqqət yönəldib.

Xəbər veridiyimiz kimi, Pakistan təhlükəsizlik qüvvələrinin keçirdiyi əməliyyat nəticəsində 500 nəfər tələbəni və müəllimi girov götürən terrorçu qrup məhv edilmişdi.

Pakistanın nüvə dövləti olmasının, gələcəkdə bu kimi terror aktlarından nüvə obyektlərinin zərər görməsi ehtimalı haqqında politoloq Zərdüşt Əlizadə öz fikirlərini Ölkə.az-la bölüşüb.

Zərdüşt Əlizadə: "Pakistanda elə bir yüksək təhlükəsizlik sistemi qurulub ki, məncə, heç bir terror təhlükəsi bu sistemə təsir edə bilməz. Düşünürəm ki, Pakistan Rusiya, Fransa İngiltərə və.s nüvə silahına malik dövlətlər öz nüvə silahına elə bir sistem qurublar ki, onlara heç bir terror təşkilatı təsir edə bilməz. Buna görə də, baş verən terror hadisəsinin hər hansı qorxunc bir sonluqla bitəcəyini güman etmirəm".

Xatırladaq ki, Türkiyə Pakistanda baş vermiş terror hadisəsi ilə bağlı bir günlük matəm elan edib.

Qeyd edək ki, “Taliban” silahlılarının Pakistanda hərbi məktəbə hücumu nəticəsində 130 müdavim və hərbi müəllimi terrorun qurbanı olub.

Ölkə.az