Çin hava limanında qəribə hadisə
Çinin cənubundakı Quanqdonq əyalətində qəribə hadisə baş verib.
"Ölkə.Az" xəbər verir ki, Baiyun beynəlxalq hava limanında bir cütlüyün əl çantasından 200 tarakan çıxıb.
Çin mətbuatının xəbərinə görə, hamam böcəklərini "X-ray" cihazı müəyyən edib. Şu Şuyu adlı təhlükəsizlik xidməti əməkdaşı "X-ray" cihazında bağlamanın içində hərəkət edən qara əşyalar olduğunu görüb. Bağlama açılanda tarakanlar çölə çıxıb. Bu isə Şunun qorxaraq qışqırmasına səbəb olub.
Təyyarədə canlı heyvan aparmaq qadağan edildiyi üçün tarakanlar müsadirə edilib.
Hikmət Həsənov
Ölkə.Az
