Malavidə vampirlər kənd sakinlərinin qanını içirlər

"Ölkə.Az" xəbər verir ki, artıq 7 nəfər vampir cinayətlərinin qurbanı olub.

Təhsil səviyyəsinin çox acınacaqlı olduğu Malavidə vampir cinayətləri törədilir. İngiltərə mətbuatının xəbərinə əsasən, bu il ərzində 7 nəfər vampir cinayətlərinin qurbanı olub. Bu səbəbdən BMT işçiləri və ABŞ "Sülh Gücü" könüllüləri bölgədən çəkiliblər.

Ölümlərin ən çox baş verdiyi Thyolo bölgəsində yaşayan 40 yaşlı Jamiya deyib: "Gecə yarı evimə bir nəfər girdi və qanımı içdi. Bu, dedi-qodu deyil. Bölgədə xalq panika içindədir".

Bu, Malavidə ilk vampir cinayətləri deyil. 2002-ci ildə də bəzi kəndlərə vampirlərin hücumu olmuşdu. Bəzi kənd sakinləri qollarından qan çəkmək üçün sancılan iynə izlərini jurnalistlərə göstəriblər.

Hökumət isə, Malavidə vampir olmadığını, dedi-qodunun müxalifət tərəfindən dövriyyəyə buraxıldığını bildirib.

Hikmət Həsənov
Ölkə.Az