"Nə mükafat olursa olsun, hər kəs qanun qarşısında cavab verməlidir"

Bu sözləri Ölkə.Az-a millət vəkli Siyavuş Novruzov hüquq müdafiəçisi və QHT rəhbəri Anar Məmmədliyə verilən "Vaçlav Havel" adına mükafatla bağlı şərhində bildirib

O, qeyd edib ki, bu cür mükafatların verilməsində bəzi təşkilatlar sırf özlərini xilas etmək üçün xüsusi səy göstərirlər.

"Aydın məsələdir ki, o təşkilatlar Anar Məmmədliyə mükafatı ona görə veriblər ki, onlar birlikdə o qrantları məqsədəuyğun şəkildə yox, tamamilə başqa istiqamətlərə xərcləyiblər. Həmin qrantlar  vasitəsi ilə müəyyən siyasi partiyalar və ayrı-ayrı mətbuat orqanları maliyyələşiblər. Həmin təşkilatlar bu dəqiqə özlərini  xilas etməkdən ötrü bu cür mükafatların verilməsində xüsusi səy göstərirlər. Ancaq bu heç nəyi dəyişdirməyəcək. Nə mükafat olursa olsun, hər kəs qanun qarşısında cavab verməlidir".

Qeyd edək ki, bir neçə gün öncə Anar Məmmədlini Avropa Şurası Parlament Assambleyası (AŞPA) "Vaçlav Havel" adına "İnsan Hüquqları mükafatı"na layiq görülmüşdür. Hazırda insan haqları müdafiəçisi və QHT rəhbəri həbsdədir.

Fatimə İbrahimova

Ölkə.Az