Göyçayda dəhşətli qəza

Bu gün (17.12.2014) Göyçay rayonunda yol qəzası baş verib.

Ölkə.Az xəbər verir ki, hadisə 16:30 radələrində Bakı-Şamaxı-Yevlax avtomobil yolunun 206-cı kilometrliyində, Göyçay rayonunun Qarabaqqal kəndi ərazisində baş verib.

23-BD-588 dövlət nömrə nişanlı "Zil" markalı avtomobillə 23-BX-353 dövlət nömrə nişanlı VAZ 21-06 markalı avtomobillər toqquşub. Hadisə şahidlərinin bildirdiyinə görə, "Zil" Göyçay şəhəri istiqamətində hərəkətdə olarkən, qarşıdan gələn VAZ 21-06 ilə toqquşub. Zərbənin təsirindən hər iki avtomobil idarəetməni itirərək yolun kənarına aşıb.

Qəza nəticəsində "Zil"-in sürücüsü 1966-cı il təvəllüdlü İsgəndərov Nizami Səmid oğlu ayaq nayihəsindən xəsarət alıb (ayaqları sınıb), VAZ 21-06-ın sürücüsü 1995-ci il təvəllüdlü Mikayılov Murad Əsəd oğlu və yanındakı sərnişini 17 yaşlı A.S. bədənin müxtəlif nahiyələrindən xəsarətlər alıblar. Ayaqları sınan İsgəndərov Nizami Səmid oğlu təcili əməliyyat olunub.

Faktla bağlı araşdırmalar aparıldıqdan sonra hadisənin təfərrüatları məlum olacaq. Aparılan araşdırmalar nəticəsində hadisəyə hüquqi qiymət veriləcək.

Qeyd edək ki, VAZ 21-06-ın sürücüsü Murad Mikayılov avtomobili sürücülük vəsiqəsi olmadan idarə edirmiş.

Hadisə ilə bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırmalar aparılır.