"Facebook"da təhlükəli virus

Bu günlər "Facebook"da sürətlə yayılan virus yol tapdığı kompüterləri sıradan çıxarır.

Müəmmalı virusun başqa ölkələrdə də yayılması istisna edilmir. 

Hər şey ondan başlayır ki, "facebook"da dostlarından birinin səni videoya taq etməsi haqda xəbəri gəlir.

Videonun başlığı onun özəl görüntü olduğunu bildirdiyindən istifadəçilərdə ona baxmağa güclü maraq doğura bilir. Videonu açanlar virusa öz hesabları ilə birlikdə dostlarının da "facebook" səhifələrinə yaşıl işıq yandırırlar.

Kiber təhlükəsizlik ekspertləri artıq virusun mənbəyini aşkar ediblər, hazırda onun yol açdığı sistemlərin virusdan təmizlənməsi yolları araşdırılır.

Ekspertlər "facebook" istifadəçilərini xəbərdar edirlər ki, şübhə doğuran videoları dərhal açmağa tələsməsinlər. Taq olunduqları dostlarını da birbaşa yazışma ilə virus təhlükəsindən xəbərdar etsinlər. (anspress)

Ölkə.Az