Nəqliyyatda bitməyən rüsvayçılıq: Ölümlə üz-üzə
"Ölkə.Az" xəbər verir ki, "10 GT 100" dövlət nömrə nişanlı "133" saylı marşrut avtobusu insanların təhlükəsizliyinə məhəl qoymur, onları ölümlə üz-üzə qoyur.
Az öncə Gənclik metrostansiyasının yaxınlığında qeydə alınan fotodan da göründüyü kimi qapıdan sallanan sərnişinlərdən biri az qala yerə düşəcəkdi.
Açıq qapıdan sallanan sərnişinlərlə hərəkət edən avtobusları gün ərzində dəfələrlə görmək mümkündür.
Sərnişinlərin həyatı ilə oynayan avtobus sürücüləri barədə hələ də ciddi tədbir görülmür. Dəfələrlə xəbərdarlıq edilsə də, eyni halı hər gün müşahidə etmək mümkündür.
Bakı Nəqliyyat Agentliyi isə ancaq vəd verməklə məşğuldur. Vüsal Kərimlinin qurumu mütəmadi olaraq videolar yayaraq ictimaiyyəti nəqliyyatdakı həqiqi problemlərdən yayındırmağa çalışır.
