İtaliyada sürücü maşını yarmarkaya sürdü
İtaliyada təşkil olunan Milad bazarında dəhşətli anlar yaşanıb.
“Ölkə.Az” xəbər verir ki, bu barədə yerli mətbuat məlumat yayıb. Verilən məlumata görə, Sondrio şəhərinin mərkəzi meydanında təşkil edilən Milad bazarında sürücü avtomobili piyadaların üzərinə sürüb.
Dekabrın 9-da baş verən hadisə nəticəsində 4 nəfər yaralanıb. Yaralılar arasında 44 yaşlı qadının vəziyyəti son dərəcə ağır olub. Yaralılar xəstəxanaya yerləşdiriliblər.
Hadisəni törədən sürücü ərazidən qaçmaq istəyib. Hüquq-mühafizə orqanlarının əməkdaşları onu saxlaya biliblər. İlkin müayinə zamanı sürücünün sərxoş olduğu bildirilib.
Ziya Səccad
Ölkə.Az
