DİN Bakıda soyuducuda basdırılan kişi ilə bağlı məlumat yaydı

Daxili İşlər Nazirliyi Bakıda adamın öldürüb soyuducuda basdırılması ilə bağlı məlumat yayıb.

Ölkə.Az-ın Daxili İşlər Nazirliyinə istinadla verdiyi məlumata görə, itkin düşmüş Masallı rayon sakini Əli Seyidovun meyiti tapılıb. Dekabrın 16-da Sabunçu rayonunun Ramana qəsəbəsi Südçülük sovxozu adlanan ərazidə Bakı şəhər sakini Arif Məmmədova məxsus həyətdə dekabrın 13-dən itkin düşmüş Masallı rayon sakini Əli Seyidovun əl və ayaqları yapışqanlı lentlə bağlı, başına sellofan keçirilmiş, boyunu sınmış və sifət nahiyəsində kəsilmiş-deşilmiş xəsarətlər olan meyiti soyuducunun içərisində torpağa basdırılmış vəziyyətdə aşkarlanıb.

Polis və prokurorluq orqanları əməkdaşlarının həyata keçirdikləri əməliyyat-axtarış və istintaq tədbirləri nəticəsində qətli törətmiş Lənkəran şəhər sakini Hafiz Səmədov tutulub.

Ölkə.Az