"Milli Şuranın mitinqinə digər müxalif partiyalar dəvət edilməyəcək"
Milli Şura oktyabrın 12-si saat 15:00-da mitinq keçirməyi nəzərdə tutur.
Bununla bağlı Milli Şuranın üzvü, Vətəndaş Həmrəyliyi Partiyası Ali Məclisinin sədri Rafiq Manaflı Ölkə.az-a açıqlamasında bildirib ki, mitinq son zamanlar çoxalmış siyasi həbs və represiyalara etiraz olaraq nəzərdə tutulub.
Rafiq Manaflının sözlərinə görə, mitinqlə bağlı digər müxalif partiyalara müraciət edilməyəcək. Hansı partiyalar istəsə gəlib bizə qoşula bilər. Öz qüvvələrimizlə mitinqə çıxacağıq.
Rafiq Manaflı Bakı şəhər icra hakimiyyətindən mitinq keçirmək üçün "Məhsul" stadionun ayrılmasını istəyəcəklər.
Səxavət Məmməd
Ölkə.az
