Saakaşvili məhkəməyə aparıldı
Gürcüstanın eks-prezidenti və Odessa vilayətinin sabiq qubernatoru Mixeil Saakaşvili məhkəməyə aparılıb.
"Ölkə.Az" xəbər verir ki, Kiyev məhkəməsində Saakaşvili barəsində qətiimkan tədbirləri seçiləcək.
Bu barədə Ukrayna mətbuatı xəbər verib: " "Yeni güc hərəkatı" partiyasının lideri Mixeil Saakaşvili Kiyevin Peçersk məhkəməsindədir. Məhkəmədə Odessanın sabiq qubernatoru haqqında qətiimkan tədbirləri seçiləcək".
Saakaşvili 5 dekabr tarixində saxlanılıb. Onun haqqında cinayət qruplaşması ilə əməkdaşlıq və onların fəaliyyətini ört-basdır ittihamı səsləndirilib.
Baş prokuror isə Saakaşvilinin ev dustaqlığını tələb edir.
Hikmət Həsənov
Ölkə.Az
