“Gələn il dollar bahalaşmayacaq”
Bu barədə iqtisadçı ekspert Samir Əliyev “Ölkə.Az”a açıqlamasında bildirib. Onun sözlərinə görə, hazırda dolların bahalaşması üçün iqtisadi səbəb yoxdur.
“İndi neftin qiyməti dünya bazarında 60 dollardan bahadır. Əgər “qara qızıl”ın qiymətində ucuzlaşma baş verərsə, bu zaman dolların bahalaşması gözləniləndir. Hazırda manatın dəyərdən düşməsini reallaşdıracaq əsas amil bununla bağlıdır”, - deyə ekspert bildirib.
Samir Əliyev deyir ki, hökumətin həyata keçirdiyi bir sıra məhdudlaşdırıcı addımlar hələlik manatın dəyərini qorumağa imkan verir: “Düşünürəm ki, hansısa gözlənilməz hadisə baş verməsə, Azərbaycan manatının kəskin ucuzlaşmayacaq. Ola bilsin müəyyən qədər ucuzlaşma olsun. İl ərzində təxminən 5 faiz ucuzlaşma qeydə alına bilər”.
Ziya Səccad
Ölkə.Az
