Ərdoğan və Putin arasında görüş başlayıb

“Ölkə.Az” xəbər verir ki, bu barədə Türkiyə mətbuatı məlumat yayıb. Verilən məlumata görə, Putini gətirən təyyarə Türkiyə vaxtı ilə saat 19:02-də Esenboğa Hava Limanında enib.

Rusiya rəhbərini qarşılamaq üçün Türkiyədə xüsusi heyət təşkil edilib. Putini qarşılamağa gələn heyət arasında Rusiyanıni Ankara Səfiri Aleksey Yerhov da olub. 

Daha sonra Putin türkiyəli həmkarı Rəcəb Tayyib Ərdoğanla görüşüb. Görüş Türkiyə vaxtı ilə saat 19:45-də başlayıb. Bildirilir ki, dövlət başçıları görüşdən sonra mətbuata açıqlama ilə çıxış edəcəklər.

Qeyd edək ki, görüş zamanı liderlər ikitərəfli əməkdaşlıq, enerji sahəsində layihələr, o cümlədən Suriya, Yaxın Şərq məsələlərini müzakirə edəcəklər. Həmçinin Qüdslə bağlı vəziyyət müzakirə obyekti olacaq.

Ziya Səccad
Ölkə.Az