NATO baş katibinin səlahiyyət müddəti uzadıldı
NATO baş katibi Yens Stoltenberqin səlahiyyət müddəti 2020-ci ilə qədər uzadılıb.
"Ölkə.Az" xəbər verir ki, Stoltenberq bu barədə Tvitter səhifəsində açıqlama verib. Açıqlamada deyilir: "29 müttəfiq mənim NATO baş katibi vəzifəmi 2020-ci ilin sentyabr ayına qədər uzadıb. Bu qərardan qürur duyuram və minnətdaram. Birlikdə çalışaraq ittifaqı gücləndirmək və vətəndaşlarımızın təhlükəsizliyini davam etdirmək məqsədi ilə işə başlamaq üçün hazıram".
Alyansa üzv ölkələr 2014-cü ildə Norveçin sabiq baş naziri Yens Stoltenberqi bu vəzifəyə layiq görüb. 10 il baş nazir postunu tutan Yens 2013-cü ilin sentyabr ayında seçkilərdə məğlub olmuşdu.
Hikmət Həsənov
Ölkə.Az
