Türkiyə parlamentində millət vəkilləri arasında gərginlik
Türkiyə milli məclisində gərgin anlar olub.
"Ölkə.Az" xəbər verir ki, hakim partiyanın Uşak rayonu millət vəkili Alim Tunç ilə "CHP"li Özgür Özel arasında mübahisə yaranıb.
Özgür Özel Alim Tunça "sənin nə mal olduğunu bilirəm. Bu səbəbdən 5-6 aydır münasibətləri kəsmişəm"-deyib. Bundan sonra Alim Tunç qaçaraq Özelin üstünə şığıyıb. "CHP" və "AKP" millət vəkilləri araya girərək tərəfləri sakitləşdiriblər.
Özgür Özel isə "bu pis cümlə deyil. Sənin necə insan olduğunu bilirəm deməkdir. Bu söz pis söz olsa da, oradan buraya öldürəcək kimi qaçaraq gəlmək son dərəcə qəbuledilməz davranışdır"-deyib.
Tərəflərin mübahisəsi büdcə müzakirələrində Alim Tunçun Özgürə "Hər şeyi sən bilirsənmi?"-sualından sonra başlayıb.
Hikmət Həsənov
Ölkə.Az
