İlin ən güclü meteorit yağışı bu gecə olacaq
Bu gün gecə saatlarında ilin ən güclü meteorit yağışı baş verəcək.
"Ölkə.Az" xəbər verir ki, hər il 6-19 dekabr tarixləri arasında Geminid Axını baş verib. Bu səma hadisəsi güclü meteorit yağışıdır. Şəhər yerindən müşahidə zamanı saat ərzində 15-20 ulduz axması, kənd yerlərində isə saat ərzində 40-50 meteorit düşməsini görmək mümkündür.
Meteorit yağışı axşam saatlarından başlayacaq. Üfüqdə Əkizlər bürcü görünənə qədər aktivlik artacaq. Gecə saatlarında isə maksimal həddə çatacaq.
Astronomların sözlərinə əsasən, bu il Ay meteorit yağışını müşahidə etməyə mane olmayacaq.
Hikmət Həsənov
Ölkə.Az
