İran prezidenti: "Qüdsü müdafiə etməyə hazırıq"

"Ölkə.Az" xəbər verir ki, İran prezidenti İsraili və ABŞ-ı sərt şəkildə tənqid edib.

Ruhani "Trampın qərarı müsəlmanlara qarşı qəbul edilmiş axmaq bir qərardır"-deyib.

Ruhani Tehran hava limanında jurnalistlərə açıqlamasında "Qüdsün İsrailin paytaxtı elan edilməsinə dair ABŞ və İsrailin aldığı qərar səhv və qeyri-qanunidir"-deyib.

Türkiyəyə səfərini Ərdoğanın dəvətinə görə həyata keçirdiyini qeyd edən İran prezidenti "İstanbuldakı zirvəə Qüds məsələsinin bütün İslam aləminin məsələsi olduğunu söyləyəcəyik. Bu gün birlik və vəhdət günüdür"-deyib.

İran prezidenti zirvə görüşündə çıxış edərək "İran olaraq müsəlman ölkələri ilə əməkdaşlığa hazırıq. Beləcə, Qüdsü qorumağa hazırıq. Bu mövzuda çəkinəcəyimiz yer və şərtimiz yoxdur"-deyib.

Sionist rejimin təhdidləri qarşısında bölgənin bəzi ölkələrinin ABŞ ilə əməkdaşlıq etdiyini bildirən Ruhani deyib: "Fələstinin taleyini təyin etməyə cəhd edirlər. Əgər bu cəhdlər nəticə versə, sionistlər Fələstini işğal edərlər".

İran prezidenti qeyd edib ki, Qüdsün sahibi müsəlmanlar, yəhudilər və xristianlardır.

Hikmət Həsənov
Ölkə.Az