Göygöldə yol qəzası baş verib, xəsarət alan var
Göygöl rayonunda yol qəzası baş verib.
Ölkə.Az APA-ya istinadən xəbər verir ki, hadisə Üçtəpə kəndində qeydə alınıb.
Rayon sakini, 1986-cı il təvəllüdlü Süleymanov Qamət Məzahir oğlunun idarə etdiyi avtomobil idarəetmədən çıxaraq yolun kənarında dayanan “BMW”-yə çırpılıb.
Qəza nəticəsində xəsarət alan Q.Süleymanov xəstəxanaya yerləşdirilib. Vəziyyətinin kafi olduğu bildirilir.
Faktla bağlı araşdırma aparılır.
