Avropa İttifaqı Rusiyaya qarşı yeni sanksiyalar tətbiq edə bilər

“Ölkə.Az” xəbər verir ki, bu barədə birliyə üzv ölkələrin liderləri keçirdiyi görüş zamanı bildiriblər. Görüş zamanı Avropa İttifaqına üzv ölkələrin liderləri bu gün Rusiyaya qarşı iqtisadi sanksiyaların müddətinin uzadılmasına dair qərar qəbul ediblər. 

Qurumun sədri Donald Tusk bildirib ki, birliyə üzv ölkələr yekdilliklə Rusiyaya qarşı sanksiyaların uzadılmasını dəstəkləyir. Onun sözlərinə görə, qərar Aİ Şurası tərəfindən gələn həftə təsdiqlənəcək.

Qeyd edək ki, sanksiyaların müddəti 2018-ci yanvarın sonunadək idi.

Xatırladaq ki, Ukraynadakı münaqişə ilə əlaqədar 2014-cü ildə Rusiyaya qarşı tətbiq edilən və daha sonra genişləndirilən sanksiyalar heç bir dəyişiklik edilmədən yarım il müddətinə uzadılacaq.

Ziya Səccad
Ölkə.Az