İran Livana hərbi yardım göstərəcək

Ölkə.Az Əl-Mayadin televiziyasına istinadən xəbər verir ki, İran rəhbərliyi terrorla mübarizə üçün Livan ordusuna hərbi yardımın göstərilməsi haqqında qərar qəbul edib.

Beyrutda Livanın baş naziri Tamao Salam ilə görüşdə Şahmani bəyan edib ki, İran Livana hərbi dəstəyin verilməsi barədə qərar qəbul edib.

"İran hərbi texnika da daxil olmaqla, Livan ordusuna hərbi yardımın göstərilməsi barədə qərar qəbul edib. Bizi maraqlandıran isə əsasən Livanda təhlükəsizlik və stabilliyin möhkəmləndirilməsidir",- deyə  katib bildirib.

Salamla görüşün sonunda Şahmani qeyd edib ki, Livan hökuməti də İranın təşəbbüsünü müsbət qarşılayıb.

Xatırladaq ki, bir müddət əvvəl Livan ordusuna maliyyə yardımı Səudiyyə Ərəbistanı və ABŞ tərəfindən göstərilib. Bu yardım müvafiq olaraq  4 milyard  və 1 milyard dollar ətrafında hesablanıb. 

Lakin faktiki olaraq livan hərbçiləri amerikanlardan cəmi iki dəfə sursat təchizatı qəbul ediblər.