Piyadanı vurdu sonra avtomobilə çırpıldı
Xətai rayonunda piyadanın vurulması ilə nəticələnən qəza baş verib.
"Ölkə.Az"- ın əldə etdiyi məlumata görə, Xətai rayonu, Xudu Məmmədov küçəsində xəsarətlə nəticələnən qəza baş verib.
Həşimov Elmar İqrar oğlu idarə etdiyi “VAZ -2107” markalı avtomaşınla əvvəl yolu keçmək istəyən piyada Zülfüqarova İlhamə Şahağa qızını vurub, sonra isə “Hyundai Santa Fe” markalı avtomaşına çırpılıb.
Nəticədə xəsarət alan qadın xəstəxanaya yerləşdirilib, vəziyyəti orta-ağır kimi qiymətləndirilir.
Faktla bağlı Xətai Rayon Polis İdarəsinin İstintaq Şöbəsində cinayət işi başlanıb.
Sürücünün izahatı alınıb, avtomobillər cərimə meydançasına yerləşdirilib.
Faktla bağlı araşdırma davam etdirilir.
Ölkə.Az
