Manatın devalvasiyasından iki il ötdü

"Ölkə.Az" xəbər verir ki, qeyd edilən tarixdə milli valyutamız manat ABŞ dolları qarşısında 47.6% ucuzlaşdı. Həmin gün dolların rəsmi məzənnəsi 1.0499 manatdan 1.55 manata yüksəldi. Bunun səbəbi isə dünya bazarında neftin qiymətinin kəskin ucuzlaşması idi.

Həmin dövrdə dünya birjalarında neftin bir barreli 27 ABŞ dollarına satılırdı.

Amma manatın ucuzlaşması bununla da bitmədi. 2016 və 2017-ci illərdə də manat dollar qarşısında ucuzlaşmağa davam etdi. 2017-ci ilin 1 fevral tarixində 1 ABŞ dolları 1.92 manat həddinə qədər çatdı. Bu isə ümumi olaraq manatın 144% dəyər itirməsi demək idi.
Birinci devalvasiya isə 2015-ci ilin 21 oktyabr tarixində baş vermişdi. Manatımız 33.6% ucuzlaşaraq 0.7862 AZN-dən 1.05 AZN-ə qədər artmışdı. Birinci devalvasiyanın səbəbi isə dünya bazarlarında neftin iki dəfə ucuzlaşması, yəni 120 dollardan 60 dollara düşməsi idi.

Devalvasiyadan ən çox əziyyət çəkənlər isə krediti olan şəxslər idi. Belə ki, banklardan dollarla kredit götürən kreditorlar əziyyət çəkdi.

2017-ci ildə isə dünya neft bazarında "OPEC"ə üzv və üzv olmayan ölkələr gündəlik hasilatı azaltdılar. Bundan sonra isə neftin qiyməti 27 dollardan 65 dollara qədər bahalaşıb. Nəticədə Azərbaycanda dolların məzənnəsi 11.5% azalıb. Bu gün 1 ABŞ dolları 1.7001 manata satılır. 

Hikmət Həsənov
Ölkə.Az