Türkiyə parlamentində qalmaqal
Türkiyə parlamentində hakim "Ədalət və İnkişaf" partiyasının deputatları ilə "HDP" millət vəkilləri arasında qalmaqal baş verib.
"Ölkə.Az" xəbər verir ki, erməni əsilli Qaro Palyan AKP sədr müavini İlknur İnceözə "əxlaqsızlıq etmə"- deyib. İnceöz isə bu təhqirdən sonra Palyanın üzərinə yürüyüb.
"HDP"li Qaro Palyan Malta-Panama sənədləri və Rza Zərrabın məhkəmə prosesinə görə hökuməti tənqid edib. Onun bu tənqidindən sonra İnceöz "Məclisdə əxlaq dərsi verəcək son insan ola bilərsən, ola bilməzsən. Bu parlamentdə son insan da deyilsən"- deyib.
Bundan sonra Qaro "Əxlaqsızlıq etmə"- deyib və AKP-li millət vəkillərinin reaksiyasına səbəb olub. İnceöz Palyanın üzərinə yürüyüb. Mübahisə böyüdüyü üçün iclasa fasilə verilib. Millət vəkilləri mübahisənin böyüməsinin qarşısını alıblar.
Hikmət Həsənov
Ölkə.Az
