Poçt soyuldu
“Azərpoçt” MMC-nin Daşkəsən filialından oğurluq olub.
"Ölkə.Az" APA-ya istinadən məlumat verir ki, hadisə ötən axşam baş verib.
Naməlum şəxs və ya şəxslər filialın qapısını qıraraq içəriyə daxil olub, orada rayondan göndərilən poçt bağlamalarından 14-nü açaraq içərisində olan ərzaqları aparıblar. Rayon Polis Şöbəsindən verilən məlumata görə, sənədlərə və digər avadanlıqlara toxunulmayıb.
Faktla bağlı hüquq mühafizə orqanları tərəfindən araşdırma aparılır.
