İranda güclü zəlzələ baş verib

“Ölkə.Az” xəbər verir ki, bu barədə Avropa – Aralıq dənizi Seysmoloji Mərkəzi məlumat yayıb. Verilən məlumata görə, yeraltı təkanlar Raver şəhərindən 46 kilometr məsafədə qeydə alınıb. İranın Qırmızı Aypara Cəmiyyətinin Xilaetmə və Yardım Təşkilinin Kerman vilayəti üzrə başçısı bildirib ki, hələlik tələfat və ya dağıntı barədə xəbərlər daxil olmayıb.

Qeyd edək ki, ötən gün də İranda eyni gücdə zəlzələ olub. Tehran ətrafında yerləşən Kerec şəhərindən 17 km cənubda titrəyiş qeydə alınıb. Zəlzələnin ocağı yerin 7 km dərinliyində olub.

Xatırladaq ki, ötən ay İranın Kirmanşah əyalətində, İraqla sərhəd yaxınlığında 7,2 bal gücündə zəlzələ baş verib. Bu zaman 500-dən çox insan ölüb, 12 mindən çox insan xəsarət alıb.

Ziya Səccad
Ölkə.Az